2007ലാണ് എന്നാണ് ഓർമ്മ. ഒരു മഞ്ഞ് കാലം, രാത്രി പതിനൊന്നിനോടടുക്കുന്നു. കുത്തിപ്പറിക്കുന്ന തണുപ്പ്. ഹരിദ്വാറിലെ പ്രധാന സ്നാന ഘട്ട് ആയ ഹർ കി പോഡിയിൽ നിന്ന് ശിവ മൂർത്തി മാർഗ്ഗിലെ അവിടത്തെ മലയാളികളുടെ കേന്ദ്രമായ അയ്യപ്പ ക്ഷേത്രത്തിലേക്ക് നടക്കുകയായിരുന്നു. വാഹനങ്ങളൊന്നും കിട്ടിയില്ല, അതാണ് വൈകിയ സമയത്തും കാൽനട തിരഞ്ഞെടുക്കേണ്ടി വന്നത്. കുറച്ചേറെ നടന്നു. കടകൾ പലതും അടഞ്ഞ് തുടങ്ങിയിരുന്നു. ഇടുങ്ങിയ ഗലികൾ പലതായി പിരിയുന്ന ഇടത്ത് വച്ച് വഴിതെറ്റി. എന്തൊക്കെയോ ചിന്തയിൽ വഴി മാറിയ കാര്യം ശ്രദ്ധയിൽ…