— ഷാബു പ്രസാദ് — കഴിഞ്ഞ കുറെ കാലമായി കേരളത്തിൽ സംഭവിച്ച രാഷ്ട്രീയ സംഭവങ്ങൾ വിലയിരുത്തിയാൽ ഏറ്റവുമധികം ശ്രദ്ധിക്കേണ്ട ഒന്നാണു സി.പി.എമ്മിന്റെ ആശയപരമായ ചുവടുമാറ്റം.കമ്മ്യൂണിസ്റ്റുപ്രസ്ഥാനങ്ങളുടെ ചരിത്രത്തിലൊരിക്കലും, ലോകത്തൊരിടത്തും ചിന്തിച്ചിട്ടുകൂടിയില്ലാത്ത വിട്ടുവീഴ്ചകളാണു ഇക്കാര്യത്തിൽ നമ്മുടെ സഖാക്കൾ കാട്ടിയിട്ടുള്ളത്‌. ഭാരതത്തിലെ കമ്മ്യൂണിസ്റ്റ്‌ പ്രസ്ഥാനങ്ങൾക്ക്‌ നൂറോളം വർഷത്തെ ചരിത്രമുണ്ട്‌..സായുധവിപ്ലവത്തിലൂടെ അധികാരം പിടിച്ചടക്കി ആശയങ്ങൾ നടപ്പാക്കുക എന്ന നയമാണു 1948 വരെ അവരും വെച്ചു പുലർത്തിയിരുന്നത്‌.എന്നാൽ ജനാധിപത്യത്തിന്റെ പുതിയ കാലത്ത്‌ തങ്ങളുടെ വിപ്ലവസ്വപ്നങ്ങളുടെ മലർപ്പൊടികൾ കുഴിച്ച്‌ മൂടുക എന്ന ഒറ്റമാർഗ്ഗമേ അവർക്കുണ്ടായിരുന്നുള്ളു.സാങ്കേതികമായി ജനാധിപത്യത്തിനൊപ്പം നീങ്ങിയെങ്കിലും…